Татар теле һәм әдәбияты укытучысы Хәкимова Гөлнара сайты

Сибгат Хәкимгә 100 ел!

2012-01-29T16:55:00.000+04:00

25 нче гыйнварда мәктәбебездә халык шагыйре Сибгат Хәкимнең тууына 100 ел тулуга багышланган төбәкара фәнни-гамәли конференция булып узды. Конференциядә Башкортстан Республикасы Бакалы районы һәм күрше Актаныш районы мәктәпләренең , шулай ук районыбызның татар теле һәм әдәбияты укытучылары, район мәгълүмати -методик үзәк хезмәткәрләре катнашты. Мәктәбебез укучылары һәм укытучылары катнашында "Саекмас чишмәләргә тиң иҗат"дигән әдәби-музыкаль композиция күрсәтелде. Тат.Бүләр урта гомуми белем бирү мәктәбенең татар теле укытучысы Э.С.Мәхмүтова, Михайловкадан Р.Я.Ихсанова, Мөслим лицееннан Э.Д.Ситдиковалар язучы иҗатын мәктәптә өйрәнү буенча чыгышлар ясадылар. Соңыннан укучылар һәм укытучылар башкаруында С.Хәким сүзләренә язылган җырлар яңгырады, аның шигырьләре укылды.

Просмотреть все

Получите собственный

сибгат хаким презентация

View more PowerPoint from Хакимова Гульнара

"Иң яхшы сайт 2011" конкурсы нәтиҗәләре

2012-01-17T21:07:00.002+04:00

Россия күләмендә үткәрелгән "Иң яхшы сайт 2011" конкурсы нәтиҗәләре билгеле булды. 12 номинациядә җиңүчеләр билгеләнде. "Иң яхшы шәхси сайт " номинациясендә 166 сайт катнашты, жюри составы шулардан 10 номинантны билгеләгән. "Татар теле һәм әдәбияты укытучысы Хәкимова Гөлнара сайты" бу номинациядә җиңү яулады һәм Мактау грамотасы белән бүләкләнде.

Яңа ел белән!

2012-01-01T14:01:00.001+04:00

Якташыбыз Мөслимдә

2011-12-25T13:49:00.000+04:00

Район мәдәният йортында шагыйрә, Татарстанның атказанган сәнгать эшлеклесе Шәмсия Җиһангированың иҗат кичәсе булды.

Якташыбыз хөрмәтләнде

2011-12-16T20:01:00.000+04:00

Мөслимебез күренекле якташларын зурлый, олылый белә. 14 нче декабрь көнне район мәдәният йортында Түреш егете- ТРның атказанган сәнгать эшлеклесе, М.Җәлил исемендәге республика бүләге иясе , язучы Ләбиб Леронның 50 яше тулу уңаеннан, иҗат кичәсе үтте.Кичәдә Л.Леронның иҗатташ дуслары, Татарстан язучылар берлеге әгъзалары, язучының иҗатын яратучылар, район үзәге тамашачылары катнашты. Юбилярны иҗатташ дуслары, авылдашлары, сәнгать мәктәбе укучылары котлады. Район башкарма комитеты җитәкчесенең социаль- мәдәни мәсьәләләр буенча урынбасары Р.Солтанов район башлыгының тәбрикләвен җиткерде. ТР Язучылар берлеге рәисе И.Ибраһимов район башлыгы Р.Хәбиповка Татарстан Язучылар берлегенең Рәхмәт хатын тапшырды.Соңыннан Түбән Кама татар дәүләт драма театры артистлары Л.Лерон әсәре буенча сәхнәләштерелгән "СССРда ясалган...нар" исемле кәмит-тамаша күрсәтте.("Авыл утлары" газетасыннан)

Татар телчеләре Казанда!

2011-11-13T22:35:00.000+04:00

Көзге каникул чорында без, Мөслим районы мәктәпләренең татар теле һәм әдәбияты укытучылары, Казан шәһәрендә булдык. "Мәгърифәт" газетасы һәм "Сөембикә" журналы редакциясе хезмәткәрләре белән очрашып, бүгенге көндәге татар матбугаты, тел, милләт язмышы турында сөйләштек. Очрашу Татарстан китап нәшриятының Бауман урамындагы китап кибетендә узды. Очрашудан соң Казаныбызның истәлекле урыннарында йөрдек. Кич белән
Г. Камал театрында "Гөргери кияүләре" комедиясен карадык. Сәяхәтебез бик күңелле һәм файдалы үтте.

Просмотреть все

Получите собственный

"Белем җәүһәрләре-2011" II Бөтендөнья интернет-проектлар бәйгесе төгәлләнде

2011-11-01T23:45:00.000+04:00

29 нчы октябрь көнне "Казан" милли-мәдәни үзәгендә "Белем җәүһәрләре-2011" II Бөтендөнья интернет-проектлар бәйгесенең йомгаклау тантанасы булып узды. Тантанага бәйгенең финалистлары (финалга чыккан 29 интернет-проектның авторлары, администраторлары һәм җитәкчеләре), жюри әгъзалары, мәртәбәле кунаклар җыелды.
“Якты йолдыз булып яна Әмәкәй күңелемдә” интернет-проекты (http://tugan-awlm.blogspot.com) “Укучы – җәүһәр” номинациясендә II урынга,
“Татар теле һәм әдәбияты укытучысы Хәкимова Гөлнара сайты” интернет-проекты (http://tuan-tel.blogspot.com) “Укытучы – җәүһәр” номинациясендә лауреат исеменә лаек булды.(тулырак .http://konkurs.belem.ru/node/78)

http://www.youtube.com/watch?v=SFjRMHoiOVc&feature=player_embedded

Хәтер көне

2011-10-18T21:47:00.001+04:00

1552 елның 15 октябрендә 40 көн камалышта торган Казан шәһәрен урыс гаскәре яулап ала. Явыз Иванның 150 меңлек армиясенә Ядегәр ханның татар, мордва, чуаш һәм чирмеш кораллы хәрбиләреннән торган 30 мең кешелек армиясе каршы торган. Казанны яулап алуга каршы торган бик күп сакчылар үлеп бетә, урамнардан елга булып кеше каны ага. Шәһәр алынгач та, нибары 3 мең кешегә генә Казансу аръягына качып китү насыйп булган.Барлык исән калган халык – җәрәхәтләнгән ирләр, картлар һәм балалар – Мәскәү патшасы кушуы белән үтерелгән. Хатын-кызлар һәм нәни балалар коллыкка алып кителгән. Борынгы шәһәр җимерелгән, китапханәләр һәм мәдрәсәләр, мәчетләр һәм мәктәпләр, архивлар яндырылган. Кол Шәриф мәчете урынына Благовещение чиркәве нигезе салына, халык суела, Казансу елгасы аккан каннан кызыл төскә керә. 15 октябрьдә татарлар әлеге фаҗигане искә ала.

тулырак

Шигърият бәйрәме

2011-10-13T23:45:00.003+04:00

Мөслимнең "Мизгел" Яшьләр үзәгендә шигърият бәйрәме үткәрелде. Бәйрәмгә авылдашыбыз Татарстанның атказанган мәдәният хезмәткәре, Г.Исхакый премиясе лауреаты, язучы һәм шагыйрь, "Көмеш кыңгырау" балалар газетасының баш мөхәррире Факил Сафин һәм районыбызның күренекле язучы , шагыйрьләре кунак итеп чакырылган иде.
Кичәдә Мөслим җирлегендә яшәп иҗат итүче, танылган прозаик һәм драматург, Г.Тукай исемендәге Дәүләт бүләге иясе Фоат Садриев, А.Алиш исемендәге премия лауреаты, балалар шагыйре Мөҗәһит Әхмәтҗанов, районның Зөлфәт исемендәге яшь иҗатчылар клубы җитәкчесе шагыйрә Лилия Садриева, район башкарма комитеты җитәкчесенең социаль- мәдәни мәсьәләләр буенча урынбасары Солтанов Рушат Җәүдәтович, 5 китап авторы, ветеран укытучы Роза Хәбибуллина, Татарстанның атказанган укытучысы Роза Низамова, Зөлфәт клубы әгъзалары, шигырь сөюче укучылар, укытучылар, авыл китапханәчеләре катнашты.Бу кичә Факил Сафинның "Галәм күзе" дигән өр-яңа шигырьләр китабын тәкъдир итү кичәсе булды. Факил Сафин, аның иҗаты турында бик матур, җылы сүзләр әйтелде. Кичәнең беренче өлешендә Зөлфәт клубына йөрүче укучылар үзләре иҗат иткән шигырьләрне укыдылар . Аннары Әмәкәй мәктәбе укучыларына сүз бирелде. Алар Факил абыйның туган авылыбызга, аның кешеләренә багышланган шигырьләрен сөйләде. Кичә залда утыручы һәркем күңелендә җылы тәэсирләр калдырды.

Просмотреть все

Получите собственный

"Укытучыңны котла!" акциясе

2011-10-06T23:26:00.003+04:00

"Сез - дөньяда иң белемле кеше,

Сезнең дәрес- тормыш ачкычы.

Иксез-чиксез фәннәр киңлегендә

Маяк бит Сез, әйдәп баручы.

Сез-дөньяда иң таләпчән кеше,

Таләпчәнлек-тәртип юлдашы.

Тәртип булган җирдә тормыш матур,

Зур уңышка ачыла юл башы.

Безнең өчен Сез-иң ягымлы кеше,

Йомшак сүзле, изге күңелле.

Белем орлыкларын җайлап кына

Өләшүче -ул Сез түгелме?

Кайгыртучан да Сез, ә без һаман

Мәшәкатьләр табып торабыз.

Мәктәптә Сез- икенче әни безгә,

Әни булгач, тыныч "оябыз".
(Илүзә Мурзина , 7 класс укучысы)

Укытучы өчен шушы шигырь юлларыннан да зур бүләк булырмы икән? Республикакүләм "Укытучыңны котла" акциясендә катнашып, укучылар яраткан укытучыларына, класс җитәкчеләренә котлау открыткалары, чәчәк букетлары тапшырдылар, изге теләкләрен җиткерделәр.Бик зур рәхмәт аларга!

Хөрмәтлик без өлкәннәрне!

2011-10-02T22:54:00.000+04:00

1 октябрь-Өлкәннәр көне.Бу уңайдан мәктәптә "Хөрмәтлик без өлкәннәрне!" дип аталган әдәби-музыкаль кичә үткәрелде. .Бәйрәмгә лаеклы ялга чыккан укытучылар , тахник хезмәткәрләр чакырылды. Алар өчен чәй табыны әзерләнде. Күчтәнәчләр, котлау открыткалары, чәчәк букетлары тапшырылды.

Без-варисын синен, Татарстан!

2011-09-27T22:43:00.000+04:00

15 сентябрь-ТВБ нең туган көне. Бу көнне табигатькә экскурсиягә чыгу мәктәбебездә традициягә керде. Быел да укучылар белән урманга экскурсиягә бардык. Башта 5 класс укучыларын варислар сафына кабул итү тантанасы булды. 5 укучы варислар антын кабул итеп, муеннарына галстуклар такты. Тантанадан соң, ярышлар үткәрелде, укучылар төрле уеннар уйнадылар, алып барган ризыклары белән сыйланып, ял итеп кайттылар.

Просмотреть все

Получите собственный

"Укытучыма әйтер сүзем" акциясе дәвам итә

2011-09-26T23:24:00.002+04:00

Укытучы!
Әлеге сүз күпләр өчен "Әти", "Әни" сүзләре кебек үк газиз. Укытучы әти дә була ала, әни дә була ала, дус та була ала, терәк тә була ала. Бу дөньяга "күзләрне ачтырган" кеше гомер буена синең укытучың булып калачак.
Кайберәүләр укытучыларын көз айларында яисә майның егерме бишендә кыңгырау чылтыраганда гына искә төшерә. Әти-әнине, укытучыны көн саен искә төшереп, көн саен алар өйрәткәнчә дөрес итеп яшәсәк һәм өзлексез белемнәргә омтылып торсак, бәлки безнең бүгенге киләчәгебез дә күпкә яхшырак булыр иде?! (тулырак http://belem.ru/node/3391)
http://belem.ru/ukituchima

Яңа уку елы белән!

2011-09-01T23:22:00.000+04:00

Бүген мәктәпләрдә Белем көне тантаналары узды. Безнең мәктәптә ул , гадәттәгечә, һәркемнең күңелендә матур хатирә калдырырлык итеп оештырылды. Тантанада район Башкарма комитетының спорт һәм туризм бүлеге җитәкчесе Илшат Яппаров , район мәгариф бүлеге методисты Илдус Мисбахович, авыл җирлеге башлыгы һәм җитәкчеләре, ветеран укытучылар катнашты. Быел 1 нче класска 6 бала укырга керде. Бәйрәмдә алар игътибар үзәгендә булдылар. Кадерле балалар, укытучылар! Сезне яңа уку елына аяк басуыгыз белән котлыйм. Укуыгызда һәм хезмәтегездә зур уңышлар, сәламәтлек телим.

Укытучыларның август киңәшмәсе

2011-08-26T22:47:00.000+04:00

24-25 нче августта районыбызда укытучыларның традицион август киңәшмәсе үтте. Беренче көнне фән ияләренең секция утырышлары булса, икенче көнне киңәшмә район мәдәният йортында булды. Татар теле укытучыларының район методик берләшмә утырышына күрше Удмуртия Республикасының Ижау шәһәре мәгариф идарәсе вәкилләре дә кунак итеп чакырылган иде. Шулай ук ут күршебез Азнакай районы мәгариф бүлегеннән дә кунаклар бар иде. Секция утырышы бик эшлекле формада узды. Пленар киңәшмә исә быел "Безнең яңа мәктәп" милли инициативасын тормышка ашыру кысаларында мәгариф муниципаль системасын үстерү" исеме астында үтте.Киңәшмәдә район башлыгы Ришат Хәбипов, ТР Фән һәм мәгариф министрлыгының милли мәгариф бүлеге начальнигы Раеф Зиннәтуллин катнашты. Киңәшмәдә , традиция буенча, лаеклы ялга китүче укытучылар, яшь белгечләр хөрмәтләнде, фидакарь педагоглар район башлыгының, Россия Федерациясе, Татарстан Республикасының бүләкләренә лаек булдылар.

Укытучы булу-зур бәхет ул, ул - яраткан минем хезмәтем!

2011-08-11T22:59:00.006+04:00

Дөньяда социологлар исәпләп чыгарган ике меңнән артык белгечлек арасында бөтенесенә ана булырдай бер һөнәр бар: ул – укытучы хезмәте. Тормышка юллама бирүче дә, җәмгыятькә лаеклы алмаш үстерүче дә шул бит. Һәр мөгаллим үз укучысын белемле һәм тәрбияле итү өчен тырыша.Шунысы да сөендерә: укытучылар сафы бүген үз эшенә бирелгән чын фанатлардан тора. Андагы авырлыкка түзә алмаганнар мәктәп ишеген шакымый да. Шулай булгач, мәктәп белемен күтәрү кебек бурычлар да үтәлмичә калмас, шәт.
Кадерле дусларым! Әлеге презентация аша минем педагогик эшчәнлегем белән танышыгыз.

портфолио

View more presentations from xakgul.

Ак юл сезгә, кадерле укучыларым!

2011-08-05T22:44:00.001+04:00

Быел мәктәпне 10 укучы тәмамлады.2 укучы- Мурзин Алмаз һәм Фаррахова Лилия көмеш медальгә лаек булдылар.1 укучы пед.колледжга, 9 ы югары уку йортларына укырга керде. Киләчәктә дә уңышлар юлдаш булсын, хыялларыгыз тормышка ашсын, кадерле укучыларым!

Соңгы кыңгырау

2011-05-27T22:32:00.002+04:00

24нче май көнне 11нчеләр өчен соңгы кыңгырау чыңлады.Ә алда- беренче сынаулар, беренче тапкыр мөстәкыйль тормышка аяк басу һәм тормыш дигән бик тә җитди фәннең беренче битен ачу.Әлеге сынауларны да гел "5"легә тапшырырга язсын сезгә, кадерле балалар!

Тәүге имтиханыгызда уңышлар!

2011-05-20T20:59:00.001+04:00

Бүген 11 сыйныф укучылары өчен тәүге имтихан.10 укучы татар теленнән арадаш имтихан тапшырды. Бердәм дәүләт имтиханнарында да уңышлар телим, туган телебездән бирелгән имтиханның аягы җиңел булсын, уңышларга юл ачсын! Укучыларым! Иң изге теләкләр сезгә!

Симәк мәктәбендә

2011-05-19T20:53:00.010+04:00

Симәк мәктәбендә татар теле һәм әдәбияты укытучыларының йомгаклау семинары булды.
Тулырак мәгълүмат
Мөслим районы татар теле һәм әдәбияты укытучыларының район методик берләшмәсе сайтында

Җиңү бәйрәме

2011-05-15T20:45:00.006+04:00

Быел илебез Бөек Җиңүнең 66 еллыгын билгеләп үтте. Шул уңайдан авылыбызда бәйрәм тантанасы үтте. Мәктәп укучылары монтаж куйды. .

Просмотреть все

Получите собственный

"Урман" акциясе

2011-05-15T20:18:00.000+04:00

14 май-илкүләм урманнар утырту көне. БМО игълан иткән Халыкара урманнар елына багышланган мондый акция илебездә беренче тапкыр үтте. Хәзер аны ел саен уздыру ниятләнә. Чөнки без илкүләм байлыгыбыз- урманнарны күз ачып йомганчы югалта барабыз. Безнең мәктәп укучылары да бу чарадан читтә калмады. 10-11 класс укучылары күрше Башкортстан Республикасы Бакалы районы Киләй урманчылыгына караган урманга агачлар утыртты.

Тугаш мәктәбендә

2011-05-05T19:32:00.001+04:00

Тугаш авылында башлангыч мәктәп кенә эшли. Мәгариф системасында барган яңалык җилләре бу мәктәпкә дә тимичә калмаган: мәктәп, балалар бакчасы, ФАП бер бинада урнашкан. Мәктәптә Ирина укыта. Ирина укучылар аз, кечкенәләр дип тормаган, ике укучысы белән зур эш башкарган - музей төзегән. Туган як музеена экспонатлар җыюда авыл халкы да бик ярдәм иткән. Музейга күп экспонат тупланган. Ирина үзе һәр экспонат турында җентекләп сөйләде. Укучылары башкарган эшләре -авыл тарихы, авылның атамаларын өйрәнүләре, данлыклы кешеләре һ.б. турында чыгыш ясадылар. Тугаш мәктәбенең туган як музеен оештыручы Иринага шундый зур һәм кирәкле эш башкарган өчен зур рәхмәтебезне җиткердек.

Тамчы-шоу

2011-05-04T17:22:00.002+04:00

Габдулла Тукайның тууына 125 ел тулуга багышлап күп чаралар үткәрдек. Чираттагысы күрше Актаныш районы Чуракай төп мәктәбендә булды. Безне Чуракай мәктәбе коллективы бик җылы каршы алды. Әмәкәй һәм Чуракай мәктәпләре укучылары Тукай иҗатына багышланган "Тамчы-шоу" уенында көч сынаштылар. "Туган тел" һәм "Тукай оныклары" командалары Тукайның тормыш юлын һәм иҗатын бик нык белүләрен күрсәттеләр. Шуңа да җиңелүчеләр дә булмады.Укучыларга грамоталар һәм истәлекле бүләкләр тапшырылды. Соңыннан концерт номерлары күрсәттеләр. Дусларча очрашу чәй өстәле янында дәвам итте. Укучылар без алып барган күчтәнәчләрЧуракай мәктәбе директоры Сәләхов Рамил Җәмигънурович һәм Әмәкәй мәктәбе директоры Минныразиев Ильяс Миргарифанович, очрашу истәлеге итеп, бүләкләр тапшырдылар. Ильяс Миргарифанович киләсе уку елына чуракайлыларны үзебезгә кунакка чакырды.

Тукай бәйрәме

2011-04-27T11:06:00.000+04:00

26 апрель- бөек Тукаебызның туган көне.Бу көнне Мөслим гимназиясендә Габдулла Тукайның тууына 125 ел тулуга багышланган шигырь бәйрәме зурлап билгеләп үтелде. Әлеге чарада муниципаль район башлыгы Р.Р.Хәбипов , язучы Г.Тукай бүләге лауреаты Фоат Садриев, шагыйрь А.Алиш премиясе лауреаты Мәҗәһит Әхмәтҗанов, шагыйрә Лилия Садриева, ветеран укытучылар катнашты. Укучылар Тукайның шигырьләрен сөйләделәр,аның сүзләренә язылган җырларны башкардылар, әсәрләрен сәхнәләштереп күрсәттеләр. Аеруча уңышлы чыгыш ясаучыларга грамоталар һәм бүләкләр тапшырылды.Рус, мари һәм әрмән балаларының саф татарча Тукай шигырьләрен сөйләве барыбызны да сокландырды.

Просмотреть все

Получите собственный

"Брейн-ринг" уенында да сынатмадык

2011-04-21T22:41:00.005+04:00

Бүген "Мизгел" яшьләр үзәгендә район мәктәпләренең туган якны өйрәнү түгәрәкләренә йөрүче укучылар арасында"Брейн-ринг" интеллектуаль уены үткәрелде. 5-9 класс укучылары арасында барлыгы 20 команда катнашты Сайлап алу турыннан иң көчле 4 команда финалга үтте .Безнең команда 2 урынны яулады. 1 урында Тат.Бүләр, 3 урында Күбәк мәктәбе командалары.

Просмотреть все

Получите собственный

Лилиябез-җиңүче!

2011-04-15T22:34:00.003+04:00

Район мәгариф бүлеге, мәгълүмати-методик үзәк белән берлектә, укучыларда туган төбәкне, Ватанны ярату хисләре тәрбияләү, телебезгә, милли гореф-гадәтләребезгә, рухи байлыгыбызга мәхәббәт тәрбияләү, балаларның иҗади мөмкинлекләрен ачыклау максатыннан “Ватаным тарихында минем гаиләм эзе” районкүләм сочинениеләр конкурсы үткәрде.
Оештыру комитеты һәм жюри әгъзалары 18 төп һәм гомуми белем бирү мәктәбеннән кергән 34 иҗади эшне тикшерде. Сочинениеләр татар һәм мари телләрендә язылган.Мәгариф һәм фән министрлыгы комиссиясенә гомуми җиңүче итеп, татар телендә язган Әмәкәй урта гомуми белем бирү мәктәбенең 11 нче сыйныф укучысы Фәррахова Лилиянең (җитәкчесе татар теле һәм әдәбияты укытучысы Гөлнара Шәрип кызы Хәкимова), мари телендә язган Мари Бүләр урта гомуми белем бирү мәктәбенең 6 нчы сыйныф укучысы Абдулаева Алинәнең (җитәкчесе мари теле һәм әдәбияты укытучысы Эльмира Виталиевна Нуриева) иҗади эшләрен тәкъдим ителде.
Лилиянең "Әфган ярасы - йөрәк ярасы" исемле иншасы республика күләмендә 3 нче урынны алуга иреште, Алинә 1 нче урын яулады. Кызларны һәм аларга белем биргән мөгаллимәләрне, әти-әниләрен зур җиңүләре белән котлыйбыз, яңадан-яңа уңышлар телибез!(Мөслим районы татар теле һәм әдәбияты укытучыларының район методик берләшмәсе сайтыннан http://muslum-tat.narod.ru/01.html)

Зирәк тиен

2011-04-13T22:33:00.002+04:00

Бүген районыбыз мәктәпләрендә укучылар татар теле буенча "Зирәк тиен" исемле бөтенроссия интеллектуаль уенында катнашты Барлыгы 857 бала үз көчен сынап карады Безнең мәктәптән 52 бала катнашты.Нәтиҗәләр уку елы ахырына билгеле булачак. Барыгызга да уңышлар, яңа җиңүләр телибез!

Җиңүчеләрне бүләкләү тантанасы

2011-03-26T00:20:00.007+03:00

21 мартта укыту эшендә яңа информацион технологияләр кулланучы укытучылар проектларының Федераль бәйгесендә җиңүчеләрне бүләкләү тантанасы булды. Тантананы Мәскәү мәгариф институты ректоры А.Л. Семенов ачты, тантанада катнашучыларны җиңүләре белән котлады һәм яңа иҗади уңышлар теләде. Аннары җиңүчеләрне Федераль мәгариф институты директоры А.Г.Асмолов, Россия мәгариф академиясе Вице-президенты В.Ф.Болотов һ.б. тәбрикләде.Конкурста җиңүче һәм лауреатларга Генераль спонсор- Майкрософт РУС компаниясенең Мәгариф системасы органнары белән эшләү юнәлеше җитәкчесе А.Н.Шульженко бүләкләр тапшырды. Тантананың икенче өлеше пленар докладларга багышланды, аннары педагогларга үзара аралашырга , тәҗрибә уртаклашырга мөмкин булган фуршет белән тәмамланды.Соңыннан Мәскәү шәһәре буйлап экскурсия үткәрелде.

Просмотреть все

Получите собственный

http://www.euro-ief.ru/news/detail.php?ID=३३५२

Юбилеегыз белән!

2011-03-15T23:52:00.004+03:00

11 нче март көнне язучы, драматург, Г.Тукай исемендәге дәүләт бүләге иясе Фоат Садриевка 70 яшь тулды. Якташыбызны әлеге юбилее белән котлыйбыз.Яңадан-яңа иҗади уңышлар, сәламәтлек телибез.

Проектыбыз җиңү яулады

2011-03-08T22:59:00.000+03:00

Укытучы проектларының Федераль бәйгесендә "Якты йолдыз булып яна Әмәкәй күңелемдә" проекты җиңү яулады. Проект өчен тавыш бирүдә катнашкан һәркемгә чиксез рәхмәтемне җиткерәм.

Тавыш бирүдә катнаша аласыз

2011-02-20T11:49:00.003+03:00

Дусларым,сайтым кунаклары! Сайт россиякүләм сайтлар конкурсында катнаша.Сайт өчен түбәндәге адрес буенча шәхси сайтлар номинациясендә тавыш бирә аласыз.
http://www.web-resurs.ru/vote/

"Укучыларга патриотик тәрбия бирү: тәҗрибә, проблемалар һәм перспективалар"

2011-02-18T22:37:00.005+03:00

Просмотреть все

Получите собственный

Михайловка урта мәктәбендә шул темага туган якны өйрәнү берләшмәләре җитәкчеләренең семинары булды.Түгәрәк һәм музей җитәкчесе- татар теле һәм әдәбияты укытучысы Гимаева Резеда. Кунакларга "Туган ягым минем" дигән әдәби- музыкаль альманах күрсәтелде һәм музейга экскурсия үткәрелде.Соңыннан түгәрәк өстәл артында сөйләшү булды. Семинарда мәктәптән тыш эшләр үзәге директоры Фәттахова Айгөл Назифовна һәм Вафина Вәзирә Нурлыгаяновна катнашты.Мәктәп музейларының хәрби-патриотик темага багышланган район смотр-конкурсында җиңүчеләргә һәм катнашучыларга мактау кәгазьләре тапшырылды.

Хәсән Туфанга 110 ел!

2011-01-25T23:21:00.000+03:00

Кичә Мөслим гимназиясендә Хәсән Туфанның тууына 110 ел тулуга багышланган фәнни- гамәли конференция булып үтте.Конференциядә укучылар башкаруында Х.Туфан шигырьләре, аның сүзләренә язылган җырлар яңгырады. Укучылар һәм укытучылар шагыйрьнең иҗатына багышланган фәнни-тикшеренү эшләре буенча чыгышлар ясадылар, "Х.Туфан иҗатын мәктәптә өйрәнү" дигән темага тәҗрибә уртаклаштылар. Конференциядә күрше Минзәлә районыннан килгән укытучылар да катнашты һәм чыгыш ясады.Х.Туфан иҗатына багышланган презентацияләр конкурсына нәтиҗә ясалды.

Укытучы проектларының федераль бәйгесе

2011-01-18T22:34:00.004+03:00

"Туган як тарихын өйрәнү" түгәрәгенең "Якты йолдыз булып яна Әмәкәй күңелемдә" блогы укытучы проектларының федераль бәйгесендә катнаша.

Якты йолдыз булып яна Әмәкәй күңелемдә"

View more presentations from Хакимова Гульнара.

Бәхетләргә бай ел булсын!

2011-01-03T16:21:00.005+03:00

Яңа 2011 нче елга да аяк бастык. Яңа ел муллыкка, бәхетләргә бай ел булсын. 2011 нче ел Куян елы тормышыбызга байлык, гаиләләребезгә иминлек, барыбызга да сәламәтлек һәм бәхет китерсен!
Мәктәптә узган Чыршы бәйрәме күренешләре

Зөлфәт клубында шигырь бәйрәме

2010-12-27T22:41:00.004+03:00

Кичә "Мизгел " Яшьләр үзәгендә Зөлфәт исемендәге яшь иҗатчылар клубының чираттагы утырышы булды. Анда Мөслим җирлегендә яшәп иҗат итүче, танылган прозаик һәм драматург, Г.Тукай исемендәге Дәүләт бүләге иясе Фоат Садриев, А.Алиш исемендәге премия лауреаты, балалар шагыйре Мөҗәһит Әхмәтҗанов, шагыйрә Шәмсия Җиһангирова, район башлыгы Ришат Рәшит улы Хәбипов, районның Зөлфәт исемендәге яшь иҗатчылар клубы җитәкчесе шагыйрә Лилия Садриева катнашты.
Утырышта яшь каләм тибрәтүчеләр үзләренең язган шигырьләрен укыдылар. Шигырьләрнең иң уңышлылары “Авыл утлары” газетасында дөнья күрәчәк. Кичәнең чыршы янында Кыш бабай һәм Кар кызы белән үтүе балаларга чын бәйрәм булды.

Просмотреть все

Получите собственный

Октябрь мәктәбендә

2010-12-22T14:03:00.003+03:00

22 нче декабрь көнне Мөслим районы Октябрь төп белем бирү мәктәбендә татар теле һәм әдәбияты укытучыларының район методик берләшмә утырышы үтте. Утырышның темасы "Укучыларның белем сыйфатын күтәрүнең яңа формалары һәм методлары" дип аталды. I квалификацион категорияле татар теле һәм әдәбияты укытучысы Латипова Фира Миргазиз кызы 9 нчы сыйныфта "Иярченле кушма җөмләләрне кабатлау" һәм Ф.Садриевның "Рәхмәт, әтием!"повесте буенча "Гөнаһ җәзасыз калмый" дигән темага класстан тыш уку дәресе күрсәтте.

Укытучы елын йомгаклау тантанасы

2010-12-21T18:22:00.004+03:00

20 нче декабрьдә Мөслимнең "Мизгел" Яшьләр үзәгендә Укытучы елын йомгаклау тантанасы үтте.Кичәдә районыбыз мәктәпләренең иң актив эшләүче укытучылары чакырылган иде.Район башлыгы Р.Р.Хәбипов, мәгариф бүлеге начальнигы Г.Ә.Закирова аеруча нәтиҗәле эшләгән укытучыларга Мактау Грамоталары һәм бүләкләр тапшырды. Тантананы Гөлзәрия Шакирова алып барды. Кыш бабай һәм Кар кызы, җырчыларның чыгышлары кичәгә ямь өстәде.

Күрми калмагыз!

2010-12-15T00:41:00.000+03:00

"Класс җитәкчелеге" бүлегендә класс тормышын чагылдырган фотографияләрдән слайд шоу урнаштырылды.

Район олимпиадасында беренче!

2010-12-13T21:31:00.000+03:00

11 нче сыйныф укучысы Фаррахова Лилия Илфат кызы татар теленнән район буенча үткәрелгән олимпиадада беренче урын алды. Лилия! Сине чын күңелемнән бу уңышың белән котлыйм. Киләчәктә дә зур уңышларга ирешүеңне , хыялларыңның тормышка ашуын һәм республика олимпиадасында да сынатмавыңны телим.

"Укытучыларның интернет- портфолио банкы" порталында

2010-12-12T11:37:00.007+03:00

Сайт "Укытучыларның интернет- портфолио банкы" порталына кертелде.

Мәҗит Гафурига 130 ел

2010-11-25T22:36:00.013+03:00

Кичә "Мизгел" яшьләр үзәгендә Мәҗит Гафуриның 130 еллыгына багышланган районара фәнни- гамәли конференция булып узды.Конференциягә күрше Сарман районыннан да кунаклар килде.Укучылар М.Гафури иҗаты буенча фәнни эшләр якладылар.Җәлилова Йолдыз "М. Гафури иҗатында мәсәл жанры" дигән темага фәнни эше белән 10-11 класслар арасында 1 урын алды.(Укытучысы Шамсова Р.Д.). Котлыйбыз!

hl=ru&feat=flashalbum&RGB=0x000000&feed=http%3A%2F%2Fpicasaweb.google.com%2Fdata%2Ffeed%2Fapi%2Fuser%2F103587499068664383330%2Falbumid%2F5548699188004421361%3Falt%3Drss%26kind%3Dphoto%26hl%3Dru" pluginspage="http://www.macromedia.com/go/getflashplayer">

Просмотреть все

Получите собственный

Татар Бүләрендә кунакта

2010-11-18T21:58:00.004+03:00

Бүген Тат. Бүләр мәктәбендә "Патриотик тәрбия: тәҗрибә, проблема, перспектива" темасына "Туган якны өйрәнү" түгәрәге җитәкчеләренең район семинары булды.Семинарда укучылар кунакларны Туган як музее белән таныштырды. Түгәрәк членнары Арсланова Фәнүзә Фатиховна җитәкчелегендә "Туган ягым- киләчәгем" дип исемләнгән музыкаль композиция күрсәттеләр.Укучыларның чыгышлары бик яратып кабул ителде.Иң кызыклысы- укытучылар катнашындагы Брейн-ринг уены булды. Укытучылар чын күңелдән көч сынаштылар. Фәнүзә Фатиховнаның юбилее да бүгенгә туры килү бәйрәм рухы өстәде. Семинарда катнашучылар юбилярга чын күңелдән изге теләкләрен җиткерделәр.

Просмотреть все

Получите собственный

"Белем җәүһәрләре-2010" бәйгесе

2010-10-29T23:29:00.003+04:00

15 октябрь көнне Казан шәһәренең Мәскәү районында урнашкан Ш.Мәрҗани исемендәге 2 нче гимназиясендә Татар интернетының “белем җәүһәрләре”н бүләкләү тантанасы уздырылды.
Тантанага бәйгенең финал өлешенә узган конкурсантлар чакырылды. Андыйлар – 30. Бу интернет-проектлар 40 эш арасыннан сайлап алынды, бәйгегә исә барлыгы 44 гариза бирелгән иде.
Җиңүчеләрне тәбрикләргә жюри әгъзаларыннан тыш Министрлар Кабинетының Мәдәният һәм Татарстан Республикасы халыклары телләрен үстерү бүлегенә һәм аның баш консультанты Гыйльманов Галимҗан Хәмитҗан улы, татар халкының танылган шагыйрәсе Флера Тарханова, Татарстан Республикасы мәгариф министрлыгының һәм Казан шәһәр мәгариф идарәсенең вәкилләре килгән иде. Тантананы Раил Гатауллин һәм Алия Сабирова алып бардылар.
Сәхнәдә җиңүчеләргә карата әйтелгән һәрбер чыгышта бу проектларның татар халкы өчен аеруча кыйммәтле булуы билгеләп үтелде, аларга алга таба да иҗади уңышлар, проектларында кулланучылар саны күбрәк булуын теләделәр.
Тантанадан күренешләр

Просмотреть все

Получите собственный

Кырлайга сәяхәт

2010-10-11T23:22:00.011+04:00

Районыбызның бер төркем татар теле һәм әдәбияты укытучылары 7 нче октябрь көнне Кырлайга экскурсиягә бардык. Шагыйрь йөргән сукмаклардан без Тукай мемориаль комплексына, Сәгъди абзый йортына сәяхәт кылдык. Тукай "Дөньяга иң элек күзем ачылган урыным " дип атаган Кырлай авылында Габдулла Тукайның тормышы белән бәйле Тукай чишмәсе, Сәгъди абзыйның нәни Апуш белән утырткан нарат агачы, бәрәңге бакчасы, Сәгъди абзый кабере, бай йорты бар.

Просмотреть все

Получите собственный

Укытучы! Нинди горур исем!

2010-10-06T22:25:00.000+04:00

Укытучы... Бүген галим дә, ташчы да, иген игүче дә олы исемең алдында баш ия, чөнки теләсә кайсы һөнәргә юл башы синең фидакарь хезмәтең нәтиҗәсендә салына. Син дөньядагы барлык уңай сыйфатларны үзеңә туплагансың. Киң күңеллелек, тырышлык, кешеләргә чиксез мәхәббәт... Синдәге сабырлык аналар сабырлыгына тиң. Юкка гынамы сине әниләребез белән тиңлибез. Шушы катлаулы чорда да көндәлек мәшәкатьләрне бер читкә куеп, башкалар өчен яшисең. Авыр, ләкин дөньядагы иң кирәкле хезмәтне бар көчеңне куеп башкарасың. Нарасый күңеленә син чәчкән игелек орлыклары шытымнар бирсен, үссен, корымасын иде.
Һөнәри бәйрәмебез белән, хөрмәтле коллегалар!

Укытучылар династиясе

2010-09-26T23:15:00.002+04:00

Укытучылар династиясе... Нәселебезнең гомуми педагогик стажы-135 ел. 3 буыннан торган династиядә 8 педагог , 8 тормыш юлы. Бу бит татар теле һәм әдәбияты, тарих, география, рус теле, башлангыч класслар, физкультура, инглиз теле, музыка укытучылары гаиләсе. Тәҗрибәсе буыннан-буынга күчә торган гаиләмнең биографиясе бер җөмләгә сыя- ”гомер буе мәктәптә”.
Хөрмәтле блог кунаклары!Әлеге презентациядә минем гаиләм тарихы белән танышыгыз.

моя династия

View more presentations from Хакимова Гульнара.

Бәйрәмең белән, укытучым!

2010-09-19T13:12:00.013+04:00

ТР Мәгариф һәм фән министрлыгы Укытучы елы уңаеннан 22 сентябрьдән 5 октябрьгә кадәр "Укытучыңны котла!" дигән акция уздыра. Акциянең төп максаты- Укытучылар көне белән котлауларны җыю һәм укытучыларга тапшыру. 1-5 октябрьләрдә мәктәп укучыларыннан торган волонтер отрядлары халыкка укытучыларын котлап открыткалар язарга тәкъдим итәчәк. Котлауларны http://mon.tatar.ru/pozdrav_uchitelya.htm адресына җибәрергә мөмкин.Бәйрәм белән, хөрмәтле укытучым!

Әй, мәктәбем- белем учагы, Син- гомернең иң гүзәл чагы!

2010-09-02T00:20:00.006+04:00

Бүген барлык белем бирү йортларында беренче кыңгырау чыңлады. Яңа уку елында барыбызга да уңышлар юлдаш булсын. Белем бәйрәме белән, хөрмәтле сайт кунаклары!

Август конференциясе

2010-08-29T18:59:00.011+04:00

Укытучыларның август киңәшмәсе быел "Укытучы заманча белем бирү киңлегендә" исеме астында үтте.Киңәшмәдә мәгариф хезмәткәрләренең еллык эшчәнлеге анализланды, район, республика күләмендәге бәйгеләрнең җиңүчеләре бүләкләнде.Шул ук вакытта иҗади эшләүче укытучылар күргәзмәсе дә эшләде.
Күргәзмәдән күренешләр

Просмотреть все

Получите собственный

Гөрләп үтте җәйләр

2010-08-28T21:30:00.002+04:00

Укытучыларга ноутбук

2010-08-21T21:11:00.002+04:00

"Һәр укытучыга - ноутбук" программасы буенча районыбызның 7 мәктәбенә, шул исәптән безнең мәктәпкә дә ноутбуклар кайтты. Быелгы уку елыннан укытучылар электрон журнал һәм электрон көндәлекләр белән эшләячәк. Бу исә ата-аналарга интернет аша балаларның укулары белән танышып барырга мөмкинлек бирәчәк.

Яңалыклар

2010-08-11T22:54:00.000+04:00

"Якты йолдыз булып яна Әмәкәй күңелемдә" дигән "Туган як тарихын өйрәнү" түгәрәге блогына мәчетләр тарихына багышланган бүлек өстәлде. Башка бүлекләр дә яңартылып, фотолар куелды. Блогның эчтәлеген тулыландыру өчен , сездән дә яңа хәбәрләр, материаллар көтәбез, хөрмәтле әмәкәйлеләр!

2010 нчы ел -Укытучы елы

2010-07-26T16:35:00.003+04:00

ТӘҮГЕ ДӘРЕСЕМ
Укучы беренче укытучысын хәтерендә яңартырга ярата!

Ә мөгаллимнәр беренче укучысы, тәүге дәресен еш искә аламы?

1нче марттан 1нче ноябрьгә кадәр “Яңа Гасыр” радиосы мәйданы гаҗәеп һөнәр ияләре - Укытучылар өчен!

Хөрмәтле мөгаллимнәр! Беренче дәресегез, беренче укучыларыгыз турында хатирәләрегезне барлап “Яңа Гасыр” радиосына язып җибәрегез!
Адрес: Казан шәһәре, М.Горький урамы, 15 йорт, "Тәүге дәресем” акциясенә.

Эфирга чыгу вакыты: һәр эш көнендә 13 сәгать 15 минутта.

2010-07-26T16:28:00.007+04:00

"Яңа Гасыр" телерадиокомпаниясе, Татарстан Республикасы мәгариф һәм фән министрлыгы һәм Татар дәүләт гуманитар-педагогика университеты "Укытучым..." конкурсын игълан итә.
Публицистика, проза, шигърият, драматургия жанрларына караган һәм укытучылыкка багышланган иҗат әсәрләре кабул ителә.
Конкурс 3 этапта уза:
I этап - 15нче гыйнвардан 30нчы майга кадәр;
II этап - июньнән октябрьгә кадәр (Укытучы көненә кадәр);
III этап - октябрьдән 30нчы декабрьгә кадәр.
тулырак

Блог яңалыклары

2010-07-20T12:50:00.000+04:00

Блогның эчтәлеге берникадәр тулыландырылды."Татар теле һәм әдәбияты " бүлегенә гуманитар профиль өчен 10-11 сыйныфларга татар теленнән программа һәм календар тематик планнар куелды."Музей эшчәнлеге" бүлегенә музей күренешләреннән слайд-шоу урнаштырылды.

2010-07-20T11:35:00.004+04:00

«Киләчәк» хыялларны тормышка ашырырмы?
...Инде күп тапкырлар әйтелгәнчә, мәктәп белеменең үзәгендә укытучы тора. Альберт Гыйльметдинов мөгаллимгә эш өчен тиешле шартлар тудырмыйча яхшы нәтиҗәләргә ирешеп булмаячагын кабат ассызыклады. Билгеле, иң беренче булып укытучының хезмәт хакын арттырудан башларга кирәк. Инде агымдагы елның беренче сентябреннән мәктәп укытучыларына хезмәт хакы яңача түләнә башланыр дип көтелә.
Мәктәп мөгаллимнәренең эш хакы ике өлештән торачак: 70 проценты - база өлеше, ә 30 проценты - стимул өлеше. Беренчесе һәр укытучыга да түләнеп барса, икенче өлеш ирешелгән нәтиҗәләргә карап бирелә. Төп критерийлар булып чыгарылыш сыйныф укучыларының БДИ нәтиҗәләре, 9нчы сыйныфларның йомгаклау аттестациясе билгеләре, 4нче сыйныфтан башлап укучыларның белем дәрәҗәсе мониторингы нәтиҗәләре һ.б. торачак. Әмма бер генә укытучының да хезмәт хакы кимемәячәк, дип искәртте министр. Сыйфатлы эшләүче мөгаллимнәрнең акчалары исә бермә-бер артачак. Моның өчен республика бюджетыннан ел саен якынча 4 миллиард сум акча бүленеп биреләчәк.
Мәгариф өлкәсе җитәкчеләренең планнары чыннан да зурдан. Вәгъдә ителгәннәрнең барысы да тормышка ашылыр дип ышанасы килә, билгеле...
тулырак

«100 талантлы авыл баласы» акциясе

2010-07-12T23:30:00.006+04:00

«100 талантлы авыл баласы» социаль акциясенең Иҗтимагый советы формалашу тәмамланды. Авыллардагы интеллектуаль талантлы балаларга һәм аларның укытучыларына ярдәм күрсәтә торган әлеге акция традицион рәвештә «АИКБ «Татфондбанк» ААҖ тарафыннан үткәрелә. Акцияне оештыруда Татарстан Республикасының Авыл хуҗалыгы һәм азык-төлек министрлыгы белән Мәгариф һәм фән министрлыклары катнашалар. Быел Иҗтимагый совет рәисе итеп Татарстан Республикасы вице-премьеры, авыл хуҗалыгы һәм азык-төлек министры Марат Әхмәтов билгеләнде.
Укуда аеруча югары нәтиҗәләр күрсәткән авыл укучыларына ярдәм күрсәтү максатыннан банк 100 укучыга исемле стипендияләр булдырды. Акциядә җиңүчеләр ай саен ел дәвамында банктан үз пластик карталарына бер мең сум күләмендә стипендия алып киләчәк. Быел «100 талантлы авыл баласы» акциясендә авыл балаларыннан кала Татарстанның халкы 35 меңнән артмаган кече шәһәрләре укучылары да катнаша ала. Акциядә катнашу өчен гаризаны 30 сентябрьгә кадәр тапшырырга була. Стипендиатларны тантаналы рәвештә бүләкләү агымдагы елның 30 ноябренә кадәр уздырылачак.

тулырак

Мәгариф һәм фән

2010-07-03T00:16:00.004+04:00

А.Гыйльметдинов: “Милли элита тәрбияләү өчен, татар гимназияләре челтәрен төзергә кирәк"

Министр утырышта “Киләчәк” стратегиясенең милли мәгариф юнәлешен депутатларга тәкъдим итеп, милли мәгарифне алга таба үстерү турындагы фикерләре белән уртаклашты. Аның фикеренчә, республиканың барлык мәктәпләрендә дә татар телен филология предметы буларак укытырга кирәк түгел, аны тормышта куллану, милләтара аралашу коралы буларак өйрәтү зарур. “Ныклы итеп укырга һәм сөйләшергә өйрәтергә кирәк. Шул чакта рус балалары да татар телен беләчәк”, - диде А.Гыйльметдинов.
http://belem.ru/node/2676

Блог яңалыклары

2010-06-08T18:31:00.005+04:00

Бөек Җиңүнең 65 еллыгына багышлап, мәктәп музейларының район смотр-конкурсы үтте."Музей эшчәнлеге" бүлегендә конкурска җибәрелгән буклет урын алды. Анда уку елы дәвамында "Беркем дә, бернәрсә дә онытылмый!" шигаре астында мәктәбебездә һәм музейда эшләнгән эшләр яктыртылды.танышырга

Котлыйбыз!

2010-06-01T22:49:00.007+04:00

10 класс укучысы Фаррахова Лилия Татарстан АССР төзелүнең 90 еллыгына багышлап үткәрелгән "Татарстан һәм татар халкы тарихы" республикакүләм бәйгесенең III турында IV урынны яулады һәм "Мәгариф" журналының Мактау грамотасы белән бүләкләнде.Лилияне бу җиңүе белән котлыйм.Тагын да югарырак үрләр яулавын телим.

"Соңгы кыңгырау"бәйрәме

2010-05-29T00:53:00.003+04:00

Имтиханнар башланды

2010-05-21T22:45:00.002+04:00

Бүген 11 нче класстан 15 укучы татар теле һәм әдәбиятыннан арадаш имтихан тапшырды.Аларга яхшы нәтиҗәләр, алдагы имтиханнарында уңышлар телим.

"Зирәк тиен" конкурсы нәтиҗәләре

2010-05-16T00:20:00.011+04:00

Ниһаять,конкурсның нәтиҗәләре билгеле булды.Безнең мәктәп укучылары район күләмендә яхшы нәтиҗәләргә ирештеләр.10нчы класс укучысы Фаррахова Лилия I (80 б.), 11нче класс укучысы Газтдинов Рамис - II (82 б.), 8 нче класс укучысы Вәлиева Гөлнара VIII (80 б.) (укытучылары Хәкимова Г.Ш.), 5 нче класс укучылары Мурзина Илүзә - VI (104 б.), Фаррахова Гөлфинә VII (100 б.) (укытучы Шамсова Р.Д.) урыннарны алдылар.Бу укучыларны уңышлары белән котлыйбыз, тагын да зуррак нәтиҗәләргә ирешүләрен телибез.

Бөек Җиңүгә 65 ел!

2010-05-08T23:01:00.010+04:00

Гасырлардан-гасырларга күчәр
Кырык бишнең бөек Җиңүе!

Әмәкәйдә үткәрелгән Җиңү тантанасы фотосурәтләрдә

Татарстанның 12 мең мөгаллиме быел ноутбуклы булачак

2010-05-06T00:48:00.006+04:00

Мәктәпләрдә компьютер техникасының мораль яктан искерә баруы турында күптәннән әйтелеп килде. Ниһаять, хакимиятебез бу проблеманы өлешчә генә булса да хәл итәргә алынды. Киләсе уку елына кадәр Татарстан белем бирү учреждениеләре өр-яңа компьютерлар белән җиһазландырылачак. Барлыгы 12,5 мең искергән техниканы заманчага алыштыру ниятләнә. Шулай ук укытучының мәгълүмати технологияләрне белү дәрәҗәсе укучыларныкыннан калышу кебек кимчелекне бетерү дә күздә тотыла. Бу максаттан мөгаллимнәрне ноутбук белән тәэмин итү проекты старт ала. Бу турыда 27 апрель көнне Татарстан Республикасы Министрлар кабинетында узган брифингта Татарстан Республикасы мәгариф һәм фән министры Альберт Гыйльметдинов игълан итте.
[тулырак]

Брейн - ринг

2010-05-01T22:01:00.010+04:00

"Туган як тарихын өйрәнү" түгәрәге әгъзалары катнашында район күләмендә Брейн - ринг уены үткәрелде. Әмәкәй урта мәктәбенең 10-11 класс укучыларының 1 нче командасы I урынга лаек булды. 2 нче команда һәм 8-9 класс укучылары командасы актив катнашкан өчен грамота белән бүләкләнделәр. Газтдинов Рамис "Иң яхшы уенчы" исеменә лаек булды.

VIII төбәкара фәнни - тикшеренү бәйгесе

2010-05-01T21:44:00.005+04:00

16 апрель көнне Казанда галим һәм мәгърифәтче Каюм Насыйриның тууына 185 ел тулуга багышланган VIII төбәкара фәнни - тикшеренү бәйгесе үтте.Анда Самара, Төмән, Башкортстан, Ингушетия, Удмуртия, Чувашстаннан килгән укучылар да фәннең 11 юнәлеше буенча үз осталыкларын күрсәтте."Туган як тарихын өйрәнү" юнәлеше буенча Мөслим районыннан 4 укучы катнашты.Әмәкәй урта мәктәбеннән Газтдинов Рамис, Шәймәрдәнова Гөлүсә катнашучы сертификатына ия булдылар.

Мәктәптә Шигырь бәйрәме

2010-04-28T00:23:00.005+04:00

Мәктәптә шигырь бәйрәме үткәрелде. Балалар Г.Тукайның шигырьләрен һәм Тукай турында шагыйрьләребез язган шигырьләрне сөйләделәр.

Тукай бәйрәме

2010-04-26T22:22:00.009+04:00

Бүген районыбызда Тукай бәйрәме үткәрелде.Мәктәпләрдән нәфис сүз осталары, иң матур җырчылар чакырылды."Тукай оныклары" һәм "Йолдызлар" командалары катнашында "Тамчы- шоу" уены үткәрелде.Кунаклар- балалар шагыйре Мөҗәһит Әхмәтҗанов, шагыйрь Әхмәт Дусайлы, шагыйрә Лилия Садриева, язучы Роза Хәбибуллина, пенсиядәге укытучы Роза Низамова үзләренең иҗат җимешләре белән таныштырдылар һәм укучыларга иң җылы теләкләрен җиткерделәр.Соңыннан мәгариф бүлеге үткәргән конкурсларга нәтиҗә ясалды һәм җиңүчеләр бүләкләнде.

26 апрель - бөек Тукаебыз туган көн!

2010-04-26T22:12:00.009+04:00

Бүген районыбызда зур бәйрәм. Язучы Фоат абый Садриев Тукай исемендәге Дәүләт бүләгенә лаек булды.Якташыбызны чын күңелебездән котлыйбыз! Аңа яңадан-яңа иҗат уңышлары телибез.