Бәйрәм белән!

Укытучы!
Кирәк чакта җитез дә син, тапкыр да син,
Кирәк чакта батыр да син, сабыр да син,
Бик җаваплы, авыр синең хезмәтең дә,
Тиешенчә күрсәң иде хөрмәтен дә...
Хөрмәтле коллегаларым! Сезне һөнәри бәйрәмебез белән котлыйм. Мактаулы хезмәтегездә  зур уңышлар, сәламәтлек телим.

Яңа уку елы белән!!!

Фоат Садриев-Татарстанның Халык язучысы

Хөрмәтле якташыбыз, язучы-прозаик һәм драматург, Р.Төхфәтуллин исемендәге әдәби бүләк, Г.Тукай исемендәге Дәүләт бүләге иясе, Татарстанның атказанган сәнгать эшлеклесе Фоат Миңлеәхмәт улы Садриевка Татарстанның Халык язучысы исеме бирелде. Аны бу олы дәрәҗә белән ихлас күңелебездән котлыйбыз һәм аңа тагы да зуррак иҗат уңышлары, саулык-сәламәтлек телибез.
Чыганак:  http://muslumtat.ru

"Соңгы кыңгырау" бәйрәме

Быел Татарстан Республикасында 11нче сыйныфны 20 415 (Казанда – 6000), 9нчы сыйныфны 36019 (Казанда – 9614) укучы тәмамлый, урта гомумбелем бирү йортларында “Соңгы кыңгырау” тантаналары уздырыла. Шул уңайдан ТР Премьер-министры урынбасары – ТР мәгариф һәм фән министры Энгель Нәвап улы Фәттахов яшьләргә мөрәҗәгать итә.

“Хөрмәтле чыгарылыш сыйныф укучылары!

2014 елның 24 маенда республикабызның 20 меңнән артык 11 нче сыйныф укучысы өчен соңгы мәртәбә мәктәп белән хушлашуны гына түгел, ә олы тормыш юлы башлануын хәбәр итүче кыңгырау чыңлачак. Сезнең алда торган иң беренче бурыч – уңышлы итеп БДИ тапшыру һәм булачак һөнәрегезне сайлау.

Чыгарылыш укучыларының күбесе тиздән югары уку йортларына юл алачак. Һәрберегезнең тормышта бар нәрсәгә дә ирешүен телим – үзегез теләгән, кызыклы һөнәр сайлагыз һәм кәнагәтьләнү хисе алып килерлек, алган белемнәрегезне файдалана алырлык өлкәдә эшләгез."

 Чыганак: http://tatarile.org

Барысын белергә телим!

11 сыйныф укучысы Шамс Айдар "Барысын белергә телим!"  II Регионара балалар һәм яшүсмерләрнең иҗади проектлар конкурсында катнашып, 1 урынга лаек булды. Ул авылыбыз тарихына багышланган "Якты йолдыз булып яна Әмәкәй күңелемдә" интернет-проектын яклап чыгыш ясады. Афәрин, Айдар! 

9 нчы сыйныфларда БРТ

Бүген Татарстанда 9 сыйныф укучылары татар теле буенча БРТ тапшыра.Элегрәк аттестацияләү диктант, изложение яки инша һәм татар әдәбияты буенча телдән имтихан формасында уза иде.
Яңа төрле аттестация формасына күчү этаплап башкарыла. Узган елда бердәм республика тесты республиканың алты районында үткәрелде. | belem.ru

Шигърият бәйрәмендә Тукай премиясе лауреатлары игълан ителде

Шигърият бәйрәме Тукай шигыренә «Бәйрәм бүген!» җырын башкару һәм шагыйрьнең һәйкәленә чәчәкләр кую белән башланып китте. Әлбәттә, бәйрәмнең иң күңелле мизгеле - Габдулла Тукай исемендәге Дәүләт премиясенең чираттагы лауреатлары исемнәрен яңгырату. Татарстан мәдәният министры Айрат Сибагатуллин Татарстан Президенты Рөстәм Миңнеханов 25 апрельдә имзалаган Указны укыды. Шулай итеп, 2014 елда Татарстанның әдәбият һәм сәнгать өлкәсендә иң дәрәҗәле бүләгенә «Утлы дала» ике томлы романы өчен язучы Вахит Имамов һәм каллиграфик композицияләре өчен рәссам Владимир Попов лаек булды.
Чыганак: http://intertat.ru/tt

“Без тормыштан матуррак” - әдәби-музыкаль кичә

Әдип, фән һәм җәмәгать эшлеклесе,Татарстанның атказанган мәдәният хезмәткәре, “Көмеш кыңгырау” газетасы баш мөхәррире Факил Миңнемөхәммәт улы Сафинга 60 яшь тулды. Шушы юбилейга багышлап, 27 нче март көнне Зифа Басыйрова исемендәге район мәдәният йортында юбилей кичәсе булып узды. Якташыбызны тәбрикләүдә авылыбыздан мәктәп директоры Минныразиев И.М., хуҗалык җитәкчесе Нәбиев А.М., хезмәт ветераны Шәйхәйдәрова К.Б., укытучы Хәкимова Г.Ш., 11 сыйныф укучысы Шамс Айдар катнашты, укучылар әдәби-музыкаль композиция күрсәттеләр.

Сәнгатьле шигырь сөйләүчеләр бәйгесендә

12 нче март көнне “Мизгел” яшьләр үзәгендә “IV Габдулла Тукай исемендәге рәсәйкүләм сәнгатьле шигырь сөйләүчеләр” конкурсының район туры узды. Конкурсның темасы — “Җәлилчеләр”. Бәйге 2014 нче елның 25 августында “җәлилчеләр”не җәзалап үтерүгә 70 ел тулуга багышланды. Бәйгегә әзерләнү өчен район мәгариф бүлеге тарафыннан җибәрелгән нигезләмә буенча барлык гомуми белем бирү учреждениеләрендә 1-11 нче сыйныф укучылары арасында сайлап алу турлары узды. Район турына мәктәпләрдән 1-4 нче, 5-8 нче, 9-11 нче сыйныфлар арасыннан бары тик бер генә җиңүче укучы катнашу хокукы алды.

Район турында 23 мәктәптән 48 укучы катнашты. “Мизгел” яшьләр үзәге җитәкчесе Илүсә Исламова, Татарстан Республикасы Атказанган мәдәният хезмәткәрләре Гөлзәрия Шакирова, Лилия Садриевадан торган жюри әгъзалары кечкенәләр (1-4 нче сыйныфлар), уртанчылар (5-8 нче сыйныфлар), өлкәннәр (9-11 нче сыйныфлар)  төркемнәреннән 9 укучыны сайлап алдылар.

               Кечкенәләр төркеменнән:

I урын – Кашапов Артур  (С.Мухан төп мәктәбе);

II урын – Абдуллин Ранэль (Мөслим гимназиясе);

III урын – Кәшифразова Алинә, Гизетдинова Зилә (Баланны төп мәктәбе).

              Уртанчылар төркеменнән:

I урын – Мөхәммәтханова Таңсылу  (Михайловка урта мәктәбе);

II урын – Биккинина Зилә (Мөслим урта мәктәбе);

III урын – Газыймова Илүзә (Тойгелде урта мәктәбе).

              Өлкәннәр төркеменнән:

I урын – Шамс Айдар  (Әмәкәй урта мәктәбе);

II урын – Садыйкова Айсылу (Симәк урта мәктәбе);

III урын – Гарипова Инзилә (О.Чакмак төп мәктәбе).

Һәр төркемнән дә I урын алган укучылар 14-16 нчы апрель көннәрендә Казан шәһәренең М.Сәлимҗанов исемендәге актерлар йортында чыгыш ясаячаклар. Җиңүче укучыларны һәм аларны әзерләгән укытучыларны да уңышлары белән котлыйбыз.

(Мөслим районы татар теле һәм әдәбияты укытучыларының район методик берләшмәсе сайтыннан)

Татар мәктәпләре укучылары өчен татар теленнән республика олимпиадасы

Республика мәктәпләрендә татар телен укытуны камилләштерү, белем бирүнең сыйфатын күтәрү, сәләтле укучыларны сайлап алу максатында 2014 нче елның 9-11нче февралендә татар мәктәпләре укучылары өчен татар теленнән республика олимпиадасы үткәрелде.
Олимпиадада 9 нчы сыйныфлардан – 52 укучы, 10 нчы сыйныфлардан – 51 укучы, 11 нче сыйныфлардан 52 укучы катнашты.
Олимпиадада мәктәбебездән 9 сыйныф укучысы Насретдинова Азилә катнашты һәм призер булды. Афәрин, Азилә!!!

ТР Мәгариф һәм фән министрлыгы милли мәгарифне үстерү буенча муниципаль берәмлекләр рейтингын төзегән

ТР Мәгариф һәм фән министрлыгы бу уку елында да милли мәгарифне үстерү буенча муниципаль берәмлекләр рейтингын төзегән. Бүген бу хакта бүген ТР Мәгариф һәм фән министрлыгының 2013 елга нәтиҗәләр чыгару һәм агымдагы елга максат-бурычлар билгеләүгә багышланган коллегия утырышында ТР Премьер-министры урынбасары - ТР Мәгариф һәм фән министры Энгель Фәттахов хәбәр итте.

Рейтинг үз эченә туган телдә белем алган татар, чуваш, удмурт, мари, мордва милләтендәге укучылар саны; татар теле һәм әдәбияты буенча республика олимпиадалары һәм призерлары саны; татар теле буенча Дәүләт йомгаклаку аттестациясен яңа формада тапшырган 9 нчы сыйныф укучылар санын чагылдырган критерийларны ала.

2013 ел йомгаклары буенча милли мәгариф юнәлешендә лидерлык позициясен Әтнә районы яулаган. Актаныш, Мамадыш, Балтач, Мөслим, Арча, Саба, Кукмара районы “иң яхшы унлыкта” үз урыннарын тотрыклы саклап калган.

Апас, Бөгелмә, Теләче, Ютазы, Питрәч районнарының милли юнәлештә үз күрсәткечләрен сизелерлек яхшыртуы күренә.

Шул ук вакытта Әлмәт, Буа, Зәй, Нурлат районнарында һәм Казан шәһәрендә исә нәтиҗәлелекнең шактый кимүе күзәтелә.

Рейтингтагы позицияләрнең укучыларга туган телдә белем бирү күрсәткече кимү һәм 9 нчы сыйныф укучыларының татар теленнән яңа формада үткән йомгаклау аттестациясендә катнашучыларның саны аз булуга бәйле.

2014 елда исә 9 нчы сыйныфларның барысы өчен дә татар теленнән бәйсез бердәм республика тесты үткәреләчәк.

Чыганак: http://mon.tatarstan.ru/tat

Язучылар белән очрашу

Просмотреть все

Получите собственный

Авылыбыз бик зур булмаса да, аннан чыккан талантлы, күренекле кешеләребез бар.  Мондый кешеләргә мисал итеп, мин авылыбыз күрке булган, үз таланты белән меңләгән кешеләрнең күңелен яулаган Факил абый Сафинны китерер идем.

Факил абый Сафинга 2 нче гыйнвар көнне 60 яшь тулды. Әле 60 яшь тулса да, ул япь-яшь, матур, шат күңелле.

    Юбилее  уңаеннан, Факил абый Сафинны зурлап очрашуга чакырдык. Ул туган авылы Әмәкәйдә, талантлы яшь язучы Айгөл Әхмәтгалиева белән кунакта булды. Әлбәттә, барыбыз да аларның килүен зарыгып көттек.  Факил абый үзе дә бу очрашуны көтеп алгандыр, чөнки бу мәктәптә аның балачагы узган һәм шушы мәктәптә  ул укытучы булып та эшләгән. Мәктәпкә дә, мәдәният йортына да , аны яратканга, хөрмәт иткәнгә, авылдашлар күпләп килделәр.

   Факил абый белән очрашу бик кызыклы һәм матур булды. Факил абыйдан интервью алганда, ул үзенең балачагы, олы  тормыш  юлына аяк басуы, беренче тапкыр каләм тотуы турында да бик кызыклы итеп сөйләп бирде, кайчак шаярткалап,  балаларнын күңелен дә күтәрде.

   Янында утырган Айгөл Габдулла кызы Әхмәтгалиева да, Факил абый турындагы яхшы фикерләре белән уртаклашты. Белгәнебезчә, Факил абый бүген “Көмеш кыңгырау”газатасының баш мөхәррире. Айгөл Әхмәтгалиева “Мәйдан” журналы редакциясендә Факил абый белән  бергә эшләгән вакытларын шундый горурланып, рәхәт итеп, җылы хисләр белән яратып сөйләде. Факил абыйның эзләнүчән, таләпчән, гадел җитәкче булуын, шул ук вакытта олы йөрәкле, аталарча кайгыртучан, изге күңелле , искиткеч күпкырлы талант иясе булуын искәртте. “М.Мәһдиев булганга, дөньяда Гөберчәк авылы барлыгын, Факил Сафин булганга, Әмәкәй авылы барлыгын беләбез. Ул Әмәкәй авылын бөтен дөньяга танытты”,-диде ул.

    Очрашуга Факил абый эшләгән Тат. Бүләр һәм Октябрь мәктәпләреннән дә кунаклар килгән иде. Алар да үзләренең изге теләкләрен җиткерделәр. Классташлары Гүзәлия апа һәм Хөснулла абый Хәмидуллиннар, хезмәттәше Хәкимҗан абый Гарифуллин, хезмәт ветераны Клара апа Бакирова  азагында Факил абый үзенең  кызыклы китапларын, “Көмеш кыңгырау”газетасын мәктәпкә бүләк итеп калдырды. Укучылар өчен бу бик зур бүләк булды.

Кич белән авыл халкы мәдәният йортына җыелды.Анда районыбыздан кунаклар да килде. Район башлыгы урынбасары Рушат Солтанов, спорт һәм яшьләр бүлегеннән И.Яппаров, балалар шагыйре Мөҗәһит Әхмәтҗанов, язучы  Фоат Садриев, җирлек җитәкчеләре Факил абыйга үзләренең җылы сүзләрен җиткерделәр.  .  Авылдашлары, классташлары, күршеләре истәлекләр белән уртаклаштылар.  Кичәдә укучылар һәм укытучылар тарафыннан Факил абыйның шигырьләре, җырлары яңгырады.

         Мурзина Илүзә, 9 сыйныф укучысы

Факил Сафинга 60 яшь!

 Язучы, шагыйрь, Татарстанның атказанган мәдәният хезмәткәре, Г.Исхакый исемендәге премия лауреаты, филология фәннәре кандидаты Факил Миңнемөхәммәт улы  Сафинга 60 яшь тулды. Якташыбызны матур юбилее белән котлыйбыз. Үзе­нә һәм якын­на­ры­на сә­ла­мәт­лек, ты­ныч­лык, имин­лек те­ли­без!